Sesións de Filmoteca · abril—maio 2014 (I)

Proxéctase durante o mes de abril/maio do 2014 na Casa de Cultura, salón de actos da biblioteca nodal de Ourense (rúa Concello 11), os luns ás 20:30 e 23 h. (agás o luns 28 de abril que só hai unha sesión ás 20:30); cota xeral de 2 € (agás os días 5 e 12 de maio que é de balde) os filmes seguintes …

luns 21 de abril do 2014

Velo avance do filme: You Tube ^{[. mp4 · 14'1 MB]} VO

Título: «Centro Histórico»
Ano: 2012
País: Portugal
Directores: Pedro Costa, Manoel de Oliveira, Víctor Erice e Aki Kaurismäki
Guionistas: Pedro Costa, Manoel de Oliveira, Víctor Erice e Aki Kaurismäki
Música: Pedro Santos
Fotografía: Pedro Costa, Timo Salminen e Valentín Álvarez
Reparto: Judite Araujo, Maria Fatima Braga Lima, Arlindo Fernandes, Filomena Gigante, Cruz José…
Duración: 80 min.
Productora: Globalstone RV Films | Nautilus Films
Distribuidora: Splendor Films
Exhibición: Dixital (BR/DVD) · Cor · Ratio 2.35:1 (16:9) · Dolby dixital
Idiomas: portugués · VOSE (versión orixinal subtitulada ao castelán)

Contaremos coa presencia de Iván Villarmea Álvarez (co-director da revista de cine A Cuarta Parede) que presenta o libro «Jugar con la memoria. El cine portugués en el siglo XXI» de Sangri-la edicicións.

Sipnose:
Unha longametraxe con catro historias ambientadas en Guimarães, co gallo da capitalidade cultural.

Crítica:
Filme nado como manifesto cinematográfico de Guimarães, nela o episodio de Víctor Erice é outra mostra do seu xenio.
Javier Ocaña (El País)



Folla de sala: Centro Histórico ^{[.pdf • 149 kB]}

luns 28 de abril do 2014

Velo avance do filme: You Tube ^{[. mp4 · 5'3 MB]} VO

Título: «Sangue do Meu Sangue» Sangre de mi sangre
Ano: 2011
País: Portugal
Director: João Canijo
Guión: João Canijo
Fotografía: Mário Castanheira
Reparto: Rita Blanco, Anabela Moreira, Cleia Almeida, Rafael Morais, Nuno Lopes…
Duración: 190 min.
Productora: Midas Filmes
Exhibición: Dixital (BR/DVD) · Cor · Ratio 2.35:1 (16:9) · Dolby dixital
Idiomas: portugués · VOSE (versión orixinal subtitulada ao castelán)

Sipnose:
Márcia é nai solteira de dous fillos, traballa como cociñeira e comparte a súa casa nun barrio periférico de Lisboa coa súa irmá, Ivete, perruqueira nun centro comercial. Un día, Cláudia, a súa filla, que estuda enfermaría e traballa como caixeira nun supermercado, cóntalle que se namorou dun home casado maior ca ela.

Crítica:
"O filme amosase diante do espectador como unha brutal e desangueda proba de sinceridade (…) sorprende.""
Luis Martínez (El Mundo)



Folla de sala: Sangue do Meu Sangue ^{[.pdf • 175 kB]}

luns 5 de maio do 2014

Velo avance do filme: You Tube ^{[. mp4 · 21'2 MB]} VO

Título: «Arraianos»
Ano: 2010
País: España
Director: Eloy Enciso Cachafeiro
Guionistas: Eloy Enciso e José Manuel Sande
Música: Vasco Pimentel e Tiago Matos
Fotografía: Mauro Herce
Reparto: Aurora Salgado, Antonio Ferreira, Eulalia González, Celsa Araujo…
Duración: 70 min.
Productora: Artika Films | Zeitun Films
Distribuidora: Cine Binario Films
Exhibición: Dixital (DVD) · Cor
Idiomas: galego e castelán · VOS (versión orixinal subtitulada)

Sipnose:
Crónica sobre un pequeno pobo perdido nas montañas da fronteira entre Galicia e Portugal, unha comunidade rural que se resiste a desaparecer. Os momentos de ficción coexisten coa vida diaria dos veciños que, sorprendentemente, interpretan diálogos dunha obra existencialista e lírica chamada «O bosque», do escritor Jenaro Marinhas del Valle. Mentres realidade, mitos e sonos se confunden, aparece un estraño que anuncia unha profecía.

Na presentación do filme contaremos coa presencia de Xosé Manuel Sande, o guionista (e ademáis programador do CGAI). Entrada de balde até completar o aforo de 110 persoas.


Folla de sala: Arraianos ^{[.pdf • 123 kB]}

luns 12 de maio do 2014

Título: «O Quinto Evanxeo de Gaspar Hauser»
Ano: 2013
País: España
Director: Alberto Gracia
Guión: Alberto Gracia
Son: Enrico Fiocco
Fotografía: Mauro Herce
Reparto: Josecho, Sara García, Oliver Laxe, Nando Vázquez…
Duración: 61 min.
Productora: Zeitun Films | AGADIC
Distribuidora: Zeitun Films
Exhibición: Dixital (DVD) con textura en 16mm · B/N
Idiomas: galego · VO (versión orixinal)

Sipnose:
Novo episodio das peripecias do «enfant sauvage» Gaspar Hauser, acompañado do seu inseparable e querido cabaliño de madeira. Suxeito imposible, Gaspar ten nesta ocasión a personalidade fragmentada en cinco personaxes arquetípicos: un anano sadomasoquista, unha sedutora doncela, un tipo cínico e déspota, un mariñeiro romántico e un batman patético, encarnado este último polo propio director da película. Un antiheroe de bata e zapatillas, fumador compulsivo, que representa a inadaptación na que está inserido o home decepcionado, o home que pensa, o home que é deste mundo sen selo.

Premios e mencións:
2013 · Rotterdam International Film Festival: premio FIPRESCI.

Crítica:
"Procedente do mundo das artes plásticas, Gracia elabora un artefacto fílmico non identificado que conta con grandes secuencias, especialmente o capítulo no que busca triángulos na natureza. Se cadra irregular, pero dende logo valente, é a película dun neno que aprende a ollar, que non ten medo a volver á caverna para corrixir os erros dunha narración viciada."

Víctor Paz Morandeira (A Cuarta Parede)



Folla de sala: O Quinto Evanxeo de Gaspar Hauser ^{[.pdf • 158 kB]}

(horarios CUT+1)